Казахстан Улсын Алматы хотод амьдардаг Монгол Улсын иргэн Д нь энэ сарын 4-нд гэрээсээ гараад сураггүй болжээ. Энэ талаар түүний ар гэрийнхэн Нур Султан дахь ЭСЯ болон Алматы дахь Консулын газарт мэдэгдэж, туслалцаа хүссэн байна.

    Энэ талаар Гадаад харилцааны яамны мэргэжилтнээс тодрууллаа. Тэрбээр “Манай улсын иргэн Д Алматы хотын харьяа дүүргийн цагдаагийн газар саатуулагдсан болох нь тогтоогдсон. Ямар шалтгааны улмаас саатуулагдсан болон хэзээ суллагдах талаар албан ёсны мэдээллийг Казахстаны ГХЯ-наас авахаар ажиллаж байна” гэлээ.