Агаарын бохирдол нэмэгдсэн шалтгааны талаар Байгаль орчин аялал жуулчлалын сайд Н.Уртнасан мэдээлэл өглөө.

  Тэрбээр "Монгол Улсын Засгийн газрын үйл ажиллагааны 2020-2024 оны хөтөлбөрт агаарын бохирдлын хэмжээг 80 хүртэл хувиар бууруулах зорилт дэвшүүлсэн байгаа. Энэ жилийн агаарын бохирдлын үндсэн шалтгааныг  эх үүсвэр тус бүрээр нь судалсан. Ингэхэд үндсэндээ агаар бохирдуулагч тоосонцорын хоёр төрөл, химийн төрөл байна гэж үзсэн. Түүнээс гадна нүүрс бол  агаарын бохирдлын хамгийн гол шалтгаан. Судалгаанаас харахад, 2019-2020 онд 320 мянган тонн нүүрс хэрэглэж байсан бол 2020-2021 онд 430, 2021-2022 онд 620 мянган тонн буюу шахмал түлшний хэрэглээ бидний анх хэрэглэж байснаас хоёр дахин нэмэгдсэн. Өнөөдөр түүхий нүүрс 8000 мянган төгрөгийн үнэтэй байна. Тэгэхээр 8000 төгрөгөөр нүүрс авах уу, 1875 төгрөгөөр шахмал түлш авах уу гэдэг сонголтоос иргэд шахмал түлшийг түлхүү авч байгаа учир агаарын бохирдол их байна" гэв.