Чингэлтэй дүүргийн есдүгээр хорооны Баянбүрдийн тойргийн орчимд байрлах дулаан дамжуулах шугамын худгаас эрэгтэй хүний цогцос олджээ. Тус дуудлагыг өчигдөр 16:40 цагт Онцгой байдлын газрынхан хүлээн авсан байна. Тиймээс Нийслэлийн Аврах ангийн алба хаагчид таван км зам туулан гурав орчим метрийн гүнтэй дулааны шугамын худагт нэр, хаяг болон бусад мэдээлэл нь тодорхойгүй эрэгтэй хүний цогцос байсныг гаргаж тус дүүрэг дэх Цагдаагийн хоёрдугаар хэлтсийн жижүүрийн бүрэлдэхүүнд шилжүүлэн өгсөн байна.