МАН-ын бүлгийн хуралдаан болж байна. Энэ үеэр Х.Нямбаатар “БНХАУ-н Эрээн хотын гаалийн хашаанд манай улс руу орж ирэх бараа төвлөрч байгаа. Эрээний гаалийн хашаанаас хятадад бараа зөөх нэг компани эрх авсан байна лээ.  Тус компани хилийн тэг цэгт бараа авчирч өгнө. Тус цэгээс манай улсын 7000 орчим жолооч татаж авна. Гэхдээ Хятадын талаас “Танайх 7000 жолоочийнхоо халдвар хамгааллын дэглэмийг нь сахиулж, халдвар тараахгүй байж чадах юм бол Эрээний гаалийн хашаанаас байнгын тээвэрлэлтийг танай цэг рүү зөөж өгье” гэсэн. Тэгэхээр энэ ямар ч боломжгүй. Саяхан Замын-Үүдийн жолооч нар коронавирусийн халдвар тараасан гэх шалтгаанаар нөхцөл байдал хүндэрсэн. Тэгэхээр Засгийн газраас тэг цэгээс цааш үнэ төлбөргүй төрийн тусгай чиг үүрэг гүйцэтгэж байгаа байгууллагуудын жолоочид ачаа, бараагаа дамжуулж Замын-Үүд хотод авчирна. Харин Замын-Үүдээс Улаанбаатар хот руу 7000 гаруй жолооч үнэ ханшаа тохиролцоод тээврээ зөөцгөө” гэж байгаа. Бид 7000 хүний халдвар хамгаалалтыг сахиулж чадахгүй учир 14 хоногт жолооч нарыг зуу зуугаар нь ээлжлүүлж ажиллуулахаар зохион байгуулж байгаа. Том оврын автомашинуудыг түрээслэх, байрлуулах, шатахууны зардлыг Засгийн газрын нөөц сангаас гаргана” гэлээ.