Агаарын бохирдолтой тэмцэх газрын дарга Б.Пүрэвсүрэн мэдээлэл өглөө. Тэрбээр "Сайжруулсан шахмал түлшний борлуулалтын цэг болон нөөцийн асуудал өнөөдрийн байдлаар хэвийн явагдаж байна. Мөн сар шинийн баяр болон амралтын өдрүүдийн нөөц ч хэвийн байна. Өнөөдрийн байдлаар 21353 тонн сайжруулсан шахмал түлшний нөөцтэй байна. Энэ долоо хоногоос эхлэн сар шинийн өдрүүдийг дуустал өндөрлөг болон алслагдмал цэгт явуулын цэг нээхээр бэлтгэл ажлаа хангаж байгаа бөгөөд ирэх долоо хоногоос явуулж эхэлнэ.

 Өнөөдрөөс эхлэн 6098 зорилтот өрхөд өнөөдрөөс эхлэн долоо хоногийн зургаан шуудай сайжруулсан шахмал түлшийг олгож эхэллээ. Өнгөрсөн амралтын өдрүүдээр нийт дөрвөн чиглэлийн шалгалт явагдсан. Ингэхдээ нэгдүгээрт, гэр хорооллын айл өрхийн түүхийн нүүрсний хэрэглээ байгаа эсэх, галлагааны бус материал айл, өрхүүдийн хэрэглээнд байгаа эсэх, түүний нүүрс түлэх зөвшөөрөлтэй 182 зуухны ажиллагаа ямар байгаа эсэх, уур үйлдвэрлэх 66 аж ахуйн нэгжийн 88 зуухны ажиллагаа ямар байгаа эсэхт шалгалтын ажиллагаа явуулсан.

Энэ долоо хоногоос эхлэн сар шинийн өдрүүдийг дуустал өндөрлөг болон алслагдмал цэгт явуулын цэг нээхээр бэлтгэл ажлаа хангаж байгаа бөгөөд ирэх долоо хоногоос явуулж эхэлнэ.

  Улаанбаатар хотын 195 мянган айл нийтдээ таван төрлийн зуур хэрэглэж байна. Ингэхдээ зуух бүрээс нэг зуухад бид мөн дахин хэмжилт хийж, галлагааны дарааллыг гарган ажиллаж байна. Учир нь гэр хорооллын айл, өрхийн утаа ихсэх шалтгаан нь зуух руу чиглэж байна уу гэсэн асуулт олон талд байна. Нөгөө талаар иргэд мэдээлдэг болж байгаа нь их давуу талтай. Арванхоёрдугаар сарын 28-наас хойш 38 дуудлага ирснээс гурван зөрчил илэрсэн. Бусад хүмүүс сайжруулсан шахмал түлшээ түлэхдээ уугуулсан байна, хар утаа хаясан байна, зуухны битүүжгүй учир бохирдол бий болсон зэрэг дүгнэлт гарч ирж байна. Энэ ташрамд дурдахад, нийслэлийн Агаар орчны бохирдолтой тэмцэх газар Жайко олон улсын байгууллагатай хамтарч төсөл хэрэгжүүлдэг.

  Энэ хүрээнд автотээврийн хэрэгслийг хөдөлгөөн дунд нь бохирдлыг хэмжиж дүгнэлтийг гаргах, хоруу чанарыг тодорхойлох төсөл юм. Мөн айл, өрхүүд энэ ижл мод худалдаж авах нь багассан гэсэн мэдээлэл иргэд болон модны худалдаачдаас мэдээлж байна. Өөрөөр хэлбэл шахмал түлшний үнээс модны үнэ хэд дахин өндөр байгаа учир айлууд галаа унтраахгүйгээр дээрээс нь шахмал түлш хийгээд ноцолт биш уугалт их явагдаж байна гэдгийг иргэд ярьж байна. Ерөөс жил ирэх тусам сайжруулсан шахмал түлшний хэрэглээ нэмэгдээд байна. Анх 2019-2020 онд 300 мянган тонныг хэрэглэж байсан бол одоо 700 мянган тонн болсон" гэв.