АНУ-ын Аризона мужид болсон 10 өдөр, 10 шөнийн гүйлтийн тэмцээнд манай улсын тамирчин Б.Буджаргал тэргүүлжээ. Тодруулбал, 2021 оны арванхоёрдугаар сарын 27-ноос 2022 оны нэгдүгээр сарын 7-ныг хүртэл Америкийн нэгдсэн улсын Аризона мужид болсон 240 цаг буюу 10 өдөр 10 шөнийн тасралтгүй гүйлтийн тэмцээнд оролцож 1111 км замыг туулж тэргүүн байр эзэлжээ.  

    Тэрбээр энэ талаар өөрийн сошиал хуудастаа “Дэлхийн аваргын цом, бүс дээр алдар нэрээ дахин бичүүлж чадлаа. Олон өдрийн хэт холын зайн гүйлтийн тэмцээнд ес дэх удаагаа аварга болж Монгол хүний тэсвэр хатуужлыг харуулж Монгол Улсаа бага ч болов сурталчлаад авлаа. Хоёрдугаар байрт орсон хүн нь надаас хоёр насаар дүү Америк залуу 1015 км буюу 96 км-ээр ард минь орсон. Намайг үргэлж дэмжиж байдаг та бүхэнд маш их баярлалаа” гэжээ.