Талархал, бахархал, хүндэтгэлээ захидлаар илэрхийлэх, бие биедаа урам хайрлах, эрч хүч бэлэглэх, эерэг хандлага түгээж, сэтгэл зүйн дархлаагаа дэмжих зорилгоор Шүүхийн шийдвэр гүйцэтгэлийн албаны офицерийн 304 дүгээр дамжаанаас Ахлагчийн сургуулийн бие бүрэлдэхүүний дунд “Талархлын шуудан” аяныг зохион байгууллаа. Талархлын шууданг тус сургуулийн давхар бүрт долоо хоногийн хугацаанд байршуулж, хайрцагт ирсэн захидлыг хаягласан эздэд нь хүлээлгэн өгсөн байна.

    Талархлын шууданд 200 гаруй захидал ирснээс хамгийн олон захидлыг Ахлагчийн сургуулийн Шүүхийн шийдвэр гүйцэтгэлийн албаны тэнхимийн багш, ахмад М.Батмөнх хүлээн авч “Талархал дүүрэн багш”-аар шалгарчээ. Ахлагчийн сургуулийн үйлчлэгч С.Долгормаа сонсогч, суралцагчдаас хамгийн олон талархлын захидлыг хүлээн авч “Талархал дүүрэн ажилтан”-аар тодорсон байна. Түүнчлэн Шүүхийн шийдвэр гүйцэтгэлийн албаны “Харуул хамгаалалтын албаны ажилтан” дамжааны сонсогч Б.Отгонжаргал хамгийн олон талархлын захидал бичиж, мөн хүлээн авч “Талархал дүүрэн сонсогч”-оор шалгарч, өргөмжлөл, үнэ бүхий зүйлээр шагнуулжээ.

     Шавь нар болон хамт олондоо харилцаа, хандлагаараа үлгэрлэж, талархал, хүндэтгэлийг нь хүлээсэн эрхэм багш, ажилтан, сонсогч нартаа баяр хүргэж, амжилт бүтээлийн дээдийг хүсье. Бусдаас авч, бусдад өгч болох юугаар ч хэмжээлшгүй үнэ цэнтэй бэлэг бол талархал билээ.