ЭМЯ-аас цаг үеийн асуудлаар мэдээлэл хийлээ. Өнгөрсөн хугацаанд гадаадаас ирсэн иргэдээс PCR болон түргэвчилсэн шинжилгээ авч, иргэдийг тусгаарлах байранд шилжүүлсэн. Шинжилгээний хариу нь эерэг гарсан иргэдээс  генийн дараалал тогтоох шинжилгээ авахад 12 сорьцоос омикрон илэрсэн байна. Энэ талаар Эрүүл мэндийн сайдын зөвлөх О.Батбаяр мэдээлэл өглөө.

    Тэрбээр “Арванхоёрдугаар сарын 19-нд Суданаас 244 энхийг сахиулагч эх орондоо ирсэн. Халдвар авсан энхийг сахиулагчдын 96 хувь нь хөнгөн, дөрвөн хувь нь хүндэвтэр байсан. Эрчимт эмчилгээний заалттай хүн байгаагүй. Халдвар авсан хүмүүст хоолой өвдөх, хөндүүрлэх, хөнгөн халуурах зэрэг томуу, томуу төст өвчний шинж тэмдэг илэрч байна. Иргэд өнөөдрөөс эхлэн сайн дураараа коронавирусийн эсрэг дархлаажуулалтын IV тунд хамрагдах боломжтой. Эрүүл мэндийн сайдын тушаал гарсан” гэв.