Засгийн газрын хуралдааны үеэр УОК-ын нарийн бичгийн дарга Т.Бархүү мэдээлэл өглөө.

  Тэрбээр “Улбар шар, шар, ногоон, улаан зэрэг дөрвөн түвшинд  хүн, хуулийн этгээдийн үйл ажиллагааг зохицуулах, Засгийн газрын 118 дугаар тогтоол болон 45 дугаар тогтоолоор батлагдсан журам хэрэгжээд үндсэндээ дуусаж байна. Үүнтэй холбоотойгоор хүн амын дархлаажуулалт, хоёрдугаар тунгийн хамрагдалт 66.5 хувь, гуравдугаар тунгийн хамрагдалт нийт хүн амын 28.5 хувьд байна.

  Өөрөөр хэлбэл бид дархлаажуулалтыг өндөр түвшинд хийж чадсан учраас хүн, хуулийн этгээдийн үйл ажиллагааг зохицуулах түр журмыг шинэчлэн боловсруулах зайлшгүй шаардлага тулгарсан. Энэ дагуу  Улсын онцгой комиссоос тодорхой ажлын хэсэг гаргаж, шинэ журмын төслийг Засгийн газрын хуралдаанд танилцууллаа. Журам эцэслэн батлагдаад гарсны дараа нийтэд танилцууулна. Эхний ээлжид  улбар шар түвшинд зайлшгүй ажиллах  18 аж ахуйн нэгжийн журам хэвээр мөрдөгдөх бөгөөд улбар шар түвшинд 15 аж ахуйн нэгжийн үйл ажиллагааг хязгаарлах юм” гэлээ.