Замын-Үүдийн тээвэрчид өнөөдөр Зам тээврийн яамны үүдэнд цуглан, мэдээлэл хийлээ.

    Ингэхдээ тэд  “Ачаа барааны үнийг жолооч нар өсгөж байна гэсэн мэдээлэл бол ташаа ойлголт. Бид Замын-Үүд, Улаанбаатар хотын хооронд тээвэр эрхэлж амь амьдралаа залгаж явдаг хүмүүс. Гэтэл бидний амьдрах орон зайг шууд булааж, ирэгдэд буруу ойлголт өгч байгаад харамсаж байна. Ер нь  нэг ч мөнгө гаргахгүйгээр улс орны тээврийн асуудал хэвийн явах бүрэн боломжтой. Гэтэл энд заавал хөндлөнгийн зуучлал байгуулага орж ирээд жолооч нарын эрхийг унагааж байна. Хилийн асуудлыг шийдэхээр гурван тэрбум төгрөг Засгийн газраас гаргахаар болсон ч юунд хэрэглэх гэж байгаа нь ойлгомжгүй байна. Ачаа барааны тээвэрлэлтийн үнийг жолооч нар, худалдаачид биш Засгийн газар өсгөж байна” гэв.