Монгол Улсад коронавирусийн омикрон хувилбар бүртгэгдсэн талаар мэдээлэл цахим сүлжээнд цацагдаад байгаа. Тэгвэл энэ талаар ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр залруулга мэдээлэл хийлээ.

           Тэрбээр “Омикрон дотоодод бүртгэгдээгүй.

           Харин зөгнөж элдэв юм бичээд байгаа хүмүүст хэлэхэд худал мэдээллийн уршгаар л төөрөгдөл үүснэ. Бас гадаадаас энэ вирусийг чирээд ирэх эрсдэлтэй байна. Энэ хүрээнд авч буй арга хэмжээг үгүйсгэнэ. Өвчлөл ороод ирвэл эрүүл мэндийн салбар л хүнд байдалд орно. Эргээд л иргэн ба эрүүл мэндийн салбар л зүдэрнэ.

           Орыг бүх боломжоороо нэмсэн ч эмнэлэгт хэвтэж чадахгүй гэрээр эмчлэгдэж, асуудал хүндэрнэ. Үүнийг хүсээгүй л юм бол бүү худал цуурхал тараагаад бай. Сая 20 гаруй мянган ор дэлгэсэн дельта хувилбараас ч илүү халдварлах чадвартай вирус шүү дээ. Ниргэсэн хойно нь хашхирах гээгүй л юм бол худал мэдээллээ татаж, бодит сэрэмжлүүлэгт анхаармаар байна” гэсэн юм.