Эрүүгийн цагдаагийн албанаас өнгөрсөн онд бүртгэгдсэн хүнд гэмт хэргийн талаарх тоо баримтыг танилцууллаа.

   2021 онд хүнд гэмт хэрэг улсын хэмжээнд таван хувиар буурсан бол илрүүлэлт нь 4.9 хувиар өссөн үзүүлэлттэй байгаа аж. Тус гэмт хэргийг төрлөөр нь задалбал, улсын хэмжээнд өнгөрсөн онд 178 хүн амины гэмт хэрэг бүртгэгджээ. Энэ нь өмнөх оны мөн үеэс 12 хэргээр буюу 6.3 хувиар буурсан байна. Харин хүчиндэх гэмт хэрэг 2021 онд 409 бүртгэгдэж, өмнөх оны мөн үеэс 22 хэргээр буюу 5.7 хувиар багассан үзүүлэлттэй байна. Дээрэмдэх гэмт хэргийн тухайн өнгөрсөн онд 342 бүртгэгдэж, өмнөх оны мөн үеэс 62 хэргээр буюу 15.3 хувиар буурчээ.

  Хүнд гэмт хэрэгт хүн амины хэрэг, хүчингийн хэрэг, дээрэмдэх зэрэг хэрэг ордог бөгөөд Эрүүгийн цагдаагийн албаны Хүнд гэмт хэрэгтэй тэмцэх хэлтсээс дээрх гурван хэргийг хариуцан ажилладаг байна