Нийслэлийн Засаг Даргын Тамгын газрын Цэргийн штабаас мэдээлэл хийлээ.

    Энэ үеэр Батлан хамгаалах газрын ахлах мэргэжилтэн, хурандаа С.Рагчаадорж "Өнөөдрөөс Е-mongolia цахим үйлчилгээ үзүүлдэг төрийн нэгдсэн системд Батлан хамгаалахын яам нэгдэж байна. Батлан хамгаалахын яамнаас цахим хэлбэрээр үзүүлэх эхний үйлчилгээ бол цахим бүртгэлийн асуудал. Өмнө нь цэргийн бүртгэл хэрхэн явагддаг байсныг бүгд мэднэ. Тэгвэл өнөөдөр цэрэгт бүртгүүлэх насны иргэд Е-mongolia аппликэйшнийг утас болон суурин компьютерт суулгаад гэрээсээ шууд бүртгүүлэх боломж бүрдлээ. Бид эхний ээлжид цэргийн тоо бүртгэлийг цахим хэлбэрт шилжүүлж байна. Цаашид Батлан хамгаалахын төв архиваас алба хаасан тухай лавлагаа авах зэрэг цахим хэлбэрээр оруулах боломжтой бүхнийг судалж байна" гэв.

    Цэргийн бүртгэл энэ сарын 5-наас 21-ныг хүртэл явагдах юм.