Автомашины эд ангид хавчуулагдан нэг иргэн нас баржээ. Тодруулбал, Төв аймгийн Баянхангай сумын Хөшөөт багийн Айргийн-Үзүүр гэдэг газарт автомашин мөргөлдөж нэг хүн автомашины төмөр эд ангид хавчуулагдаж нас барсан тухай дуудлага өчигдөр тус аймгийн Онцгой байдлын газарт иржээ.

  Дуудлагын дагуу тус аймгийн Онцгой байдлын газрын Лүн сум дахь Эрэн хайх, аврах бүлгийн алба хаагчид тухайн газар очиход,  иргэн Э-ын Субару-форестер загварын автомашин, Улаанбаатар хотоос Баянхонгор аймгийн чиглэлд зургаан зорчигчтой зорчиж явсан иргэн Б-ийн Приус-20 загварын автомашинтай мөргөлдөж Субару-форестер загварын автомашинд зорчиж явсан нийслэлийн Хан-Уул дүүргийн 46 настай иргэн Г -ын цогцсыг гаргаж Лүн сум дахь Цагдаагийн хэсгийн төлөөлөгчид шилжүүлэн өгсөн байна.