Сүүлчийн хоногуудад цахим сүлжээгээр “Цонхоор тамхины ишээ хаядаг хүмүүс сүүлчийн гурван жилд 20 гаруй автомашин шатаагаад байна” гэх тайлбартай шатсан автомашины зураг тархсан. Энэ талаар нийслэлийн Онцгой байдлын газрын мэргэжилтнээс тодрууллаа. Тэрбээр “Хэзээ гарсан ахуйн түймэр гэдгийг мэдэхгүй. Хуучны зураг байж магадгүй.  Сүүлчийн хоёр хоногт Хан-Уул дүүрэгт хоёр, Баянгол дүүрэгт нэг автомашин шатсан. Автомашин юунаас болж шатсан болохыг хянаж, шалгаж байгаа. Автомашин шатах шалтгаан нь өвлийн улиралд ихэвчлэн галлаж асаах, цахилгаан угсралтаас болдог” гэлээ.