Шадар сайд С.Амарсайхан Дүүжин тээвэр хэрэгжүүлэх төсөлтэй холбоотой мэдээлэл өглөө.

    Тэрбээр "Дүүжин тээвэр хэрэгжүүлэх төсөл үргэлжлэх ёстой. Өмнө нь байгуулагдсан ажлын нэгжийн зохион байгуулалтыг өөрчилж, шинэчилж байгаа юм. Нийслэлийн иргэдийн төлөөлөгчдийн хурлын тогтоолоор гарч байсан бол Сангийн яамны шийдвэрээр дахин төслийн нэгжийг байгуулахаар ажиллаж байна. Түүнээс УИХ-аар ороод батлагдсан энэ төсөл зогсоно гэсэн асуудал байхгүй. Харин зарим маршрут, чиглэлд бага зэрэг өөрчлөлт орж байгаа.

   Тэрийг зохицуулах ажлын хэсэг гарч, Засгийн газар танилцуулагдсан. Энэ тээвэр бол хамгийн зөв шийдлийн нэг. Газар чөлөөлөлт, байгаль орчинд ээлтэй. Мөн дэлхийн олон хоот энэ шийдлийг ихээхэн нэвтрүүлж байгаа. Энэ бол хамгийн түргэн шуурхай хэрэгжих боломжтой тээвэр. Газар чөлөөлөлттэй холбоотой зардал ихээхэн гардаг. Улаанбаатар хотод анх нийтийн тээврийн шийдлийг шинээр нэвтрүүлэх дөрвөн чиглэлийг тодорхойлсон" гэв.