Даланзадгад-Баяндалай чиглэлд зам тээврийн ноцтой осол гарчээ. Энэ талаар Өмнөговь аймгийн Онцгой комиссоос мэдээлэхдээ "Зам тээврийн осол өчигдөр 17:35 цагийн орчимд гарсан. Амралтын өдрүүдэд аяллаар агаар салхинд гарахдаа анхаарал болгоомжтой зорчиж, хурдаа тохируулан, архи согтууруулах ундаа хэрэглэсэн үедээ жолоо барихгүй, аюулгүй байдлаа хангаж явахыг зөвлөж байна"гэв.

    Мөн Өмнөговь аймаг, Ханбогд сумын Хөндий зараа гэх газар “Дэмчог”-ийн хийдээс Ханбогд сумын чиглэлд зорчиж явсан дөрвөн зорчигчтой суудлын автомашин элсэнд суусан тухай дуудлагыг өчигдөр 20:20 цагт хүлээн авчээ. Аймгийн Онцгой байдлын газрын Ханбогд сум дахь Гал түймэр унтраах, аврах 66 дугаар ангийн алба хаагчид ”Приус-30” загварын суудлын автомашин элсэнд суусан байсныг татан гаргасан байна.