Засгийн газрын ээлжит хуралдаанаар өнөөдөр 18 асуудлыг хэлэлцэн шийдвэрлэсэн байна. Тодруулбал, Ерөнхий сайдын хэвлэлийн төлөөлөгч Ч.Болортуяа "Коронавируст халдварын  омикрон хувилбараас урьдчилан сэргийлэх, дотоодод тархахаас хамгаалж 5.6 тэрбум төгрөг зарцуулна. Мөн Монгол, Хятадын хилийн Замын-Үүд-Эрээн чиглэлийн авто замын боомтын хилийн шугам дахь чингэлэг солилцох талбайгаас Замын-Үүдийн гаалийн хяналтын талбай хүртэх чингэлэг тээвэрлэлтэд зориулж, гурван тэрбум төгрөгийг Засгийн газрын нөөц хөрөнгөөс гаргахаар болсон” хэмээн мэдэгдсэн юм.