Манай улсад сүүлчийн 24 цагт коронавирусийн халдварын 157 тохиолдол бүртгэгдсэн байна. Үүнээс Улаанбаатарт 93, орон нутгийн 62 хүнээс халдвар илэрч, нэг иргэн нас баржээ. Улмаар Монгол Улсад бүртгэсэн нийт нас баралт 1983 болсон байна. Арванхоёрдугаар сарын 21-ээс коронавирусийн халдварын улмаас эмнэлэгт 2172, гэрийн хяналтад 3918 хүн эмчлүүлж байв. Долоо хоногийн хугацаанд эмнэлэгт хэвтэн эмчлүүлэгчийн тоо 340-өөр, гэрийн хяналтад байсан иргэдийн тоо 663-аар буурчээ. Эмнэлэгт хэвтэн эмчлүүлж байгаа иргэдийг биеийн байдлаар үнэлбэл, хөнгөн 694, хүндэвтэр 898, хүнд 211, нэн хүнд 29 хүн эмчлүүлж байна. Тэдгээрийн 281 нь хүүхэд, 88 нь жирэмсэн эх байгаа аж.