Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, орчин цагийн худалдааны салбар үүсэж хөгжсөний 100 жилийн ойг тохиолдуулан Монгол Улсын Ерөнхийлөгч У.Хүрэлсүхийн зарлигаар төрийн дээд шагнал, одон, медаль гардуулж байна.

Энэ үеэр Монгол Улсын Хөдөлмөрийн баатар цолоор шагнуулсан Ерөнхий сайд асан, Төр нийгмийн нэрт зүтгэлтэн, Монголын гурил үйлдвэрлэгчдийн холбооны тэргүүн Ш.Гунгаадорж сэтгэгдлээ хуваалцлаа. Тэрбээр

           “Улс, эх орондоо хоёргүй сэтгэлээр зүтгэснийг минь үнэлж, Хөдөлмөрийн баатар цолоор шагнасанд туйлын их баяртай байна. Нас минь явж, бие хөгширсөн ч эх орныхоо төлөө хөдөлмөрлөсөөр байх болно.

           Хөдөлмөрийн баатар болсон минь 50 гаруй жил ханилсан ханийн минь ач. Ханьдаа баярлаж явдгаа хэлье” гэв.