Тулгар төрийн 2230 жил, Их Монгол Улс байгуулагдсаны 815 жил, Үндэсний эрх чөлөө, тусгаар тогтнолоо сэргээн мандуулсны 110 жил, Ардын хувьсгалын 100 жил, орчин цагийн худалдааны салбар үүсэж хөгжсөний 100 жилийн ойг тохиолдуулан Монгол Улсын Ерөнхийлөгч У.Хүрэлсүхийн зарлигаар төрийн дээд шагнал, одон, медаль гардуулж байна.

Энэ үеэр Монгол Улсын Хөдөлмөрийн баатар цолоор шагнуулсан Монгол Улсын зөвлөх инженер, Техникийн шинжлэх ухааны доктор, профессор Л.Дамдинсүрэн сэтгэгдлээ хуваалцлаа. Тэрбээр

           “Юуны өмнө төр засагтаа гүнээ талархал илэрхийлмээр байна.

           Анх хүнсний үйлдвэрийн инженер мэргэжлээр сургуулиа төгсөж ирээд Хөнгөн хүнсний яамнаас ажлын гараагаа эхэлж байлаа. Би хүнсний аж ахуйн салбарт 50 гаруй жил ажилласан. Энэ 50 жилийн амьдралд мэргэжил минь л надтай хамт байсан. Сүүлийн 30 жилд хүнсний аюулгүй байдлын бодлого, эрх зүйг бүрдүүлэхэд голчлон анхаарлаа. Харин одоо энэ бүх хугацаанд надтай хамтарч, мөр зэрэгцэн ажиллаж асан бүх хүнийг дурсмаар байна” хэмээсэн юм.