Хэнтий аймгийн Цэнхэрмандал сумын Эмгэн толгой гэх газар иргэн О энэ сарын 8-нд гэрээсээ гараад сураггүй болжээ. Тухайн дуудлагыг энэ сарын 20-ний 12:00 цагт Онцгой байдлын газар бүртгэж авсан байна.

     Тус аймгийн Онцгой байдлын газрын Эрэн хайх, аврах салбарын алба хаагчид, сумын Засаг даргын Тамгын газрын ажилтнууд, ар гэрийнхэн 07:30 цагаас эхлэн иргэн О, 50 настай, эмэгтэйг тус сумын Баянгол багийн Бэрх-Уул гэх газраас Өндөрхангай, Алтан-Уул, Өлийн даваа гэх газар хүртэл зургаан км-т явганаар, Бэрх-Уул-аас баруун хойд зүгт Цагаан хөтөл гэх газраас  таван км-т нисдэг төхөөрөмж /дрон/-өөр эрэн хайх ажиллагааг зохион байгуулж үр дүнд хүрээгүй байна. Тиймээс 18:30 цагт эрлийн ажиллагааг түр зогсоож өнөөдөр 07:30 цагт дахин эхлүүлсэн байна.