Сэлэнгэ аймгийн Жавхлант сумын Бумбат нэгдүгээр баг, Ханан гудамж ... тоотод оршин суух С.Д эхнэр Ж-тэй архидан согтуурсны улмаас маргалдан, гэр бүлийн хүчирхийлэл үйлдэж, гараараа болон усны гутлаар нүүрэн тус газарт нь цохиж, амийг нь хөнөөсөн онц ноцтой хэрэг гарчээ. Гэрчийн мэдүүлгээр талийгаач “Хийлдэг худас дээр уруул нь сэтэрч цус болж нүүр нь хөхөрч ухаангүй байсан. Харин нөхөр нь толгойг нь түшээд хажууд нь сууж байсан, гурван хүүхэд нь гэрийнхээ үүдний өрөөнд уйлалдаад сууж байсан” гэжээ.

       Харин хохирогчийн ар гэрийнхний мэдээлснээр “Надад ямар нэг санал гомдол, нэхэмжлэх зүйл байхгүй. Гурван хүүхдийн эх нь нас барчихсан, аав нь хоригдчихсон байгаа болохоор надад болон манайхан маш их хэцүү байна. Манай гэр бүлийнхэн болон С.Д-ийн талын хамаатан садангуудын зүгээс С.Д-т хөнгөн арга хэмжээ авч өгөөсэй л гэж хүсэж байна” хэмээн мэдүүлжээ.