Улсын өсөх идэр начин Э.Энхбат олимпын аварга Н.Түвшинбаярт зодуулсны улмаас тархиндаа хүнд гэмтэл авч, ГССҮТ-ийн Эрчимт эмчилгээний тасагт олон хоног ухаангүй эмчлүүлсэн. Түүнд эмч нар хоёр ч удаа унтуулгатай мэсэл засал хийсэн ч бие нь дээрдэхгүй байсаар түүний эхнэр, дүү нь БНСУ руу эмчлүүлэхээр  авч явсан. Харин тэр саяхан эх орондоо ирж, Сонгдо эмнэлэгт хэвтэн, эмчилгээгээ үргэлжлүүлж байгаа юм.

  Тэгвэл түүний талаар эхнэр Б.Нандинцэцэг нь өнөөдөр цахим хуудастаа "Яагаад заавал ганцхан тархийг нь гэж. Донор болдог бол тал тархиа ч болов өгөх юм сан. Өнгөрсөн найман сарыг яаж тэвчиж, нулимсаа залгиж өнөөдрийг хүргэлээ. Зөв хүн байгаад хохирдог хорвоо юм. Миний хань тэмцсээр байна. Бид ч итгэлээ алдахгүй эцсээ хүртэл зүтгэх болно. Гурван үеэр минь тоглож яргалсан хүн араатан гэж байх юм аа" гэж бичжээ.