Өнөөдөр "Оюуны элч-2021" Монголын залуу багш нарын тэргүүн дээд шагнал гардуулах ёслол боллоо. Энэ үеэр УИХ-ын гишүүн Н.Учрал "Хүүхэд, залуусыг хөгжүүлэх, төлөвшүүлэх, нийгэмшүүлэх үүргээ амжилттай биелүүлэн сургалтын ажиллагааг өнөөдрөөр хязгаарлах бус ирээдүйгээрээ харж, олон талын мэдлэг чадвараа тасралтгүй хөгжүүлж ирсэн залуу багш нар та бүхэндээ Монголын залуу багш нарын холбооны нэрийн өмнөөс болон хувиасаа мэнд хүргэе. Нийгэм маань дэлхий нийтэд нээлттэй болж, соёл мэдээллийн хэрэглээний чөлөөт хөгжлийн урсгалд хөл нийлсэн цаг үе буюу хүнтөрөлхтний мөнхий эрэл хайгуул болсон оюун санааны өөрчлөлт, шинэчлэлт ус агаар мэт хэрэгтэйн үүднээс Монголын залуу багш нарын холбоо байгуулагдсан юм.

     Монголын залуу багш нарын холбоо 2008 онд Баянзүрх дүүргийн залуу багш нарын санаачлагаар үүсгэн байгуулагдаж байсан бол 2015 оны есдүгээр сараас үндэсний хэмжээний болох зорилтыг дэвшүүлэн, бүтэц бүрэлдэхүүндээ өөрчлөлт оруулж, дэлхийн 150 орны 3500 байгууллага, 10 гаруй багш, дэмжигчидтэй олон улсын багш нарын холбооны жинхэнэ гишүүн, юнескогийн зөвлөх эрхтэй байгууллага, дэлхийн боловсролын гишүүнээр сонгогдон ажиллах болсон. Одоогоор Монгол орны 21 аймаг, нийслэлийн есөн дүүрэгт салбар зөвлөлтэйгээр үйл ажиллагаагаа явуулж байна. Мөн багш нарын төрийн бус байгууллагатай хамтран ажилласаар ирсэн. Монгол Улс багш мэргэжлийг хуулиар хамгаалсан. Боловсролтой нийгмийг багш бүтээдэг. Тэгэхээр багш нарын цалин хөлсийг нэмдэггүй юм гэхэд ачааллыг нь багасгаж, туслах багштай болгох хэрэгтэй.