Нийслэлийн цагдаагийн удирдах газрын шөнийн эргүүл арванхоёрдугаар сарын 15-16-нд шилжих шөнө Хар тамхитай тэмцэх газар, Увс аймгаас эрэн сурвалжилж байсан этгээдүүдийг илрүүлж, баривчилсан байна

          Шөнийн эргүүлийн алба хаагчид өнгөрсөн шөнө нийт 23 зөрчил илрүүлж, зөрчил гаргасан, гэр бүл, хүүхдийн хүчирхийлэл үйлдэж болзошгүй таван хүнийг эрүүлжүүлэхэд байранд хүргэжээ. Харин 48 иргэнд зөвлөгөө өгч, согтууруулах ундаа хэтрүүлэн хэрэглэсэн, биеэ авч явах чадваргүй болсон 22 хүнийг ар гэр, асран хамгаалагчид нь хүлээлгэн өгсөн аж. Мөн гэр бүлийн хүчирхийлэл дахин давтан үйлдэж болзошгүй, архины хамааралтай, гэртээ бүлэг бөөгнөрөл үүсгэдэг иргэдийн хаяг, байршилд хяналт тавьж, хууль, эрх зүйн зөвлөгөө өгч, хохирогч, хүүхдийн аюулгүй байдлыг шалгаж ажиллажээ.