Монголын алдарт хөл бөмбөгийн тайлбарлагч Э.Балжинням өвчний улмаас таалал төгсжээ. Энэ талаар талийгчийн охин цахим хуудастаа "30 хүрээд хүний нутагт сурахад илүү сайн байдаг гэнэ, миний хүү гээд ярьсан нь өчигдөрхөн л юм сан” хэмээсэн байна. Тэрээр "1982 онд дунд ангид байхдаа анх хөл бөмбөгийн Дэлхийн аварга шалгаруулах тэмцээн үзсэж, хөл бөмбөгт сонирхолтой болсон" хэмээн ярьдаг байв. Мөн 2006 онд багшийн ажлаа сольж, хөл бөмбөгийн спортыг тайлбарлаж эхэлсэн түүхтэй. Сүүлийн 15 жилийн хугацаанд TV9, ETV, SPS зэрэг телевизэд ажиллаж, өдгөө Монголын ард түмний сэтгэлд  "Үүнийг л гайхамшиг гэхгүй юм бол өөр юуг гайхамшиг гэх юм бэ, хөл бөмбөгийн бурхан тэнгэр ивээг" гэх сонсголонтой дуу хоолойгоор шагшин тайлбарладаг нэрт тайлбарлагч бидний сэтгэлд хоногшин үлдлээ. “Сэлэнгийн хөвөөнд эмээтэйгээ өссөн, сэлэхийг нь биш орилохыг нь сурсан Э.Балжинням” хэмээн өөрийгөө тодорхойлсон байдаг. 

УМ САЙН АМГАЛАН БОЛТУГАЙ.