Суудлын автомашин автозамын хажуугийн гэрэлтүүлгийн төмөр тулгуур багана мөргөж хоёр хүн автомашины төмөр эд ангид хавчуулагдан гэмтжээ. Тодруулбал, Нийслэлийн Багануур дүүргийн III хорооны “Задгай”-д суудлын автомашин автозамын хажуугийн гэрэлтүүлгийн төмөр тулгуур багана мөргөж хоёр хүн автомашины төмөр эд ангид хавчуулагдан гэмтсэн тухай дуудлага шөнийн 01:50 цагт тус дүүргийн Онцгой байдлын газарт иржээ.

     Дуудлагын дагуу  тус дүүргийн Онцгой байдлын хэлтсийн алба хаагчид тухайн газар очиход тус дүүргийн нэгдүгээр хорооны харьяат иргэн А , иргэн М нар согтууруулах ундаа хэрэглэсэн үедээ “Кроун” загварын суудлын автомашин жолоодож яваад гэрэлтүүлгийн тулгуур багана мөргөж автомашины төмөр эд ангид хавчуулагдан гэмтсэн байсныг эсэн мэнд гаргаж дүүргийн Нэгдсэн эмнэлэгт хүргэж өгсөн байна.