"Хүний эрхийн Үндэсний форум-2021" өнөөдөр болж байна.

    Энэ үеэр Улсын Их Хурлын гишүүн Г.Мөнхцэцэг "Алсын хараа, Монгол Улсын урт хугацааны хөгжлийн бодлогод улсынхаа ирээдүйн 30 жилийн хөгжлийг бид хүний эрхийг бүрэн хангасан, шударга ёс төлөвшсөн, авлигагүй улс болох зорилт дэвшүүлсэн. Энэ бодлогыг хэрэгжүүлэхэд Монгол Улсбн хууль тогтоох байгууллага, үндсэн хуульд заасан бүрэн эрхийнхээ хүрээнд чармайн ажиллаж байна. Хүүхдийн эрх, хөгжлийн бэрхшээлтэй иргэдийн эрх, цахим орчин дахь хүний наймааны асуудал удаа дараа гарч, эцэг, эх, гэр бүл, сургуулийн орчин дахь хүний эрхийн асуудал чухал. Гэсэн ч эдгээр эрх өнөөдөр хангалттай хангагдахгүй байна. Иймээс хүний эрхийн эдгээр асуудалд анхаарах хэрэгтэй. Тэр дундаа жендерийн асуудлыг тусгайлан авч үзэх хэрэгтэй.

    Тухайлбал, эмэгтэйчүүдийг улстөр юм уу ямар нэгэн удирдах албан тушаалд гарах гэхэд төдийлөн дэмждэггүй. Тэгэхээр энэ хүрээнд эмэгтэйчүүдээ ялгалгүй дэмжих тодорхой заалтыг оруулж өгнө. Хүний эрхийг хамгаалах чиглэлд бүх байгууллага, аж ахуй нэгжүүдтэй хамтран ажиллах болно. Энэ бол бүх хүн анхаарал хандуулах ёстой зүйл. Хүний эрхийн төлөө хамтдаа" гэсэн юм.