Өмнөговь аймгийн Сэврэй сумын Сайншанд багийн нутаг аймгийн төвөөс урд зүгт 216 км, сумын төвөөс баруун хойд зүгт 37 км-т орших Сэврэй-Уул гэдэг газар 00:46 цагт 5.4 магнитудын хүчтэй газар хөдөлжээ. Тус мэдээллийг Одон орон геофизикийн хүрээлэнгээс 00:54 цагт цахим шуудангаар ОБЕГ-т ирүүлсэн байна. Өмнөговь аймгийн Онцгой байдлын газраар дамжуулан тус сумын Засаг даргын орлогч болон тус газар нутагладаг иргэдээс тодруулахад газар хөдлөлтийн чичирхийлэл иргэдэд мэдрэгдэж, байр орон сууцны хана хөдөлсөн бөгөөд хохирол учраагүй тухай мэдээлжээ.