Өвлийн дунд, цагаан хулгана сарын долоон улаан цагаагчин туулай өдөр

Үсээ засуулбал: Өнгө зүс сайжирна.

Наран ургах, шингэх: 08.30-16.59

Барилдалга: Үл зохилдох

Шүтэн барилдлага: Нэр, өнгө

Суудал: Хий

Аргын тооллын арванхоёрдугаар сарын 9, Бархасвадь гараг. Билгийн тооллын 6, Тооно одтой, цагаагчин туулай өдөр. Өдрийн наран 8 цаг 30 минутад мандан, 16 цаг 59 минутад жаргана. Тухайн өдөр гахай жилтнээ аливаа үйлийг хийхэд, эерэг сайн ба үхэр, луу, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.