Өмнөговь аймгийн Цогт-Овоо сумын Замын шанд багт том оврын ачааны автомашины чингэлэгний доод хэсгээс утаа гарч байна гэсэн дуудлага өчигдөр тус аймгийн Онцгой байдлын газарт иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 21 дүгээр ангийн алба хаагчид тухайн газар очиход, Цогтцэций сумаас Улаанбаатар хотын чиглэлд 40 тонн шахмал түлш тээвэрлэж явсан жолооч М-ын “Норд бенз” загварын ачааны автомашины чингэлэгний доод хэсэгт шахмал түлш шатаж байсныг унтраасан байна.