Энэ долоо хоногт Тээврийн цагдаагийн албанд тээврийн ослын 1124 дуудлага бүртгэгдсэн байна. Ослын улмаас зургаан хүний амь эрсдэж, 23 хүн гэмтжээ. Үүнд явган зорчигч мөргөх 15, ундаг дугуйтай зорчигч мөргөх хоёр, мөргөлдөх хэлбэрээр дөрөв, онхолдох нэг, нэг тээврийн хэрэгсэл өнхөрсөн осол гарсан байна.     
Ноцтой зам тээврийн ослоос дурдвал:

2020.10.01-ний өдрийн 14:36 цагийн орчимд Өмнөговь аймгийн Ханбогд сум Гавьлуут баг Гашуун сухайт хилийн боомт орох 118 км асфальтан замд JAC маркийн автомашин онхолдож, жолооч 45 настай, эрэгтэй Д-н амь нас хохирсон.

2020.10.01-ний өдрийн 22:47 цагийн орчим БЗД-ийн VIII хороо Энхтайваны өргөн чөлөө, Тэнгэр худалдааны төвийн баруун замд Toyota prius маркийн автомашины жолооч Б нь явган зорчигч 84 настай эрэгтэй П-г мөргөж амыг нь хохироосон.

Давуу эрх бүхий явган хүний гарц, уулзварт явган зорчигчид зам тавьж өгөөгүй 421 жолоочид Монгол Улсын Зөрчлийн тухай хуулийн 14.7.38-д заасны дагуу арга хэмжээ тооцож ажилласан.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 107 жолоочийг илрүүлж, эрхгүй буюу эрхээ хасуулсан үедээ согтуугаар тээврийн хэрэгсэл жолоодсон 15 жолоочийг шүүхээр баривчлуулж хуулийн дагуу хариуцлага тооцсон байна.