Монголын хөл бөмбөгийн Үндэсний шигшээ баг Турк Улсын Анталъяа хотод “Катар-2022” ДАШТ болон 2023 оны ААШТ-ний урьдчилсан шатны бэлтгэлээ үргэлжлүүлж байна. Турк Улсад манай шигшээ баг дөрвөн удаагийн нөхөрсөг тоглолт хийх хуваарьтай байгаа бөгөөд хуваарийн дагуу өнөөдөр Украйны “ЛНЗ Лебедин” багийн эсрэг тоглож, 2-0 харьцаатайгаар ялагдал хүлээв.

      Пушкаш академид суралцаж, мэргэжлийн тоглогчийн гэрээ байгуулаад байсан Г.Ганбаяр Турк Улсын Анталъяад урьд шөнө нь газардсан. Улмаар “ЛНЗ Лебедин” багийн эсрэг тоглосон тоглолтод цөөхөн минутыг талбайд өнгөрүүлсэн аж. Үндэсний шигшээ баг гуравдугаар сарын 20-ны өдөр сүүлийн нөхөрсөг тоглолтоо хийнэ.

О.БАТ-ЭРДЭНЭ