Г.Орхон анх удаа хүндийн өргөлтийн улсын аварга боллоо

2025-01-13, 409

Хүндийн өргөлтийн насанд хүрэгчдийн 2025 оны УАШТ үргэлжилж байна. ОУХМ Г.Орхон анх удаа улсын аварга боллоо. Хүндийн өргөлтийн УАШТ-ий хоёр дахь өдөр зургаан жингийн тамирчид өрсөлдөнө. Өнөөдрийн эхний жин буюу эмэгтэйчүүдийн 71 кг-ын жингийн медальтнууд тодорлоо. Хан-Уул дүүрэг, “Ээрмэл-1” клубийн тамирчин, ОУХМ Г.Орхон түлхэлттэй өргөлтийн дараа энэ жингийн шилдэг тамирчин Г.Ануужингаас дөрвөн кг хоцорч байсан юм.

Гэхдээ тэрбээр түлхэлттэй өргөлтийн захилгаа ОУХМ Г.Анужингаас зургаан кг-аар ахиулан өгч өргөснөөр хашир мастерийг ялж, улсын аварга цолыг анх удаа хүртсэн юм. Г.Орхон өмнө нь 2022, 2023, 2024 оны УАШТ-ээс мөнгөн медаль хүртээд байсан билээ. ОУХМ Г.Ануужингийн хувьд бэртэл нь гүйцэд эдгээгүй байсан тул УАШТ-д орох эсэх нь эргэлзээтэй байсан. Гэхдээ багш нартайгаа зөвлөсний эцэст оролцоод ийнхүү мөнгөн медаль дээр бууж байна. Хүрэл медаль хүртсэн А.Лхамсүрэн хүртсэн. Тэрбээр нийлбэрээр 184 кг-ыг өргөсөн амжилтаар ОУХМ-ын болзол хангалаа.

71 кг-ын жингийн дүн:

1. Г.Орхон (Ээрмэл-1) огцом өргөлтөөр 90 кг, түлхэлттэй өргөлтөөр112 кг, хоёр өргөлтийн нийлбэр 202 кг-ыг өргөж алтан медаль.

2.Г.Ануужин (Аврагч) спорт хороо, огцом өргөлтөөр 94 кг өргөж алтан медаль, түлхэлттэй өргөлт 106 кг, хоёр өргөлтийн нийлбэрээр 200 кг-ыг өргөж мөнгөн медаль_

3.А.Лхамсүрэн (Ээрмэл-1) клуб. Огцом өргөлтөөр 83 кг, түлхэлттэй өргөлтөөр 101 кг, хоёр өргөлтийн нийлбэр дүнгээр 184 кг-ыг өргөж хүрэл медаль хүртжээ.

Г.Орхон анх удаа хүндийн өргөлтийн улсын аварга боллоо

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.