Тайланд Улсын Срирача хотод зохион байгуулагдаж буй бөхийн төрлүүдийн “U20” насны Ази тивийн аварга шалгаруулах тэмцээн үргэлжилж байна. Өнөөдөр эрэгтэйчүүдийн арван жингийн барилдаан явагдлаа.  Төв аймгийн БТСХ-ны "Төв-Арж" клуб, зэвсэгт хүчний "Алдар" спорт хорооны тамирчин, ОУХМ Н.Батбилгүүн 86 кг-ын жингийн эхний тойрогт Энэтхэгийн тамирчин Сачин Сачиныг 10:0-ээр оноогоор цэвэр ялжээ. Хоёрдугаар тойргийн барилдаанд Туркменистаны Парахат Атаевыг мөн 10:0-ээр оноогоор цэвэр ялсан байна.

         Хэсгийн аваргын төлөөх барилдаанд  Казахстаны тамирчин Науруз Ахмедхановыг 11:0-ийн харьцаатай  оноогоор цэвэр ялжээ. Азийн аваргын алтан медалийн төлөөх барилдаанд Иран Улсын бөх  Рахмани Фироузжайеиг 6:3-ын харьцаатайгаар ялж Ази тивийн аварга болжээ. Ингэснээр Н.Батбилгүүн “U20”, “U23” насны ангилалд Ази тивийн аварга шалгаруулах тэмцээний хос алтан медальтан болж байна.