Унгар Улсын Будапешт хотод дэлхийн чансааны цуврал Имре Поляк, Янош Варга нарын нэрэмжит тэмцээний эмэгтэйчүүдийн тэмцээн болж байна. Тус тэмцээний 62 кг-ын жинд гавьяат тамирчин Пүрэвдоржийн Орхон, ОХУ-ын  Алина Касабиеваг 8:2-ын харьцаатай ялж хүрэл медаль хүртлээ.

           Тэрбээр эхний тойрогт Оросын бөх Анна Щербаковаг цэвэр, дараагийн тойрогт  АНУ-ын ДАШТ-ий хошой мөнгөн медальт тамирчин Кайла Мираклыг 14:10-аар оноогоор ялж, хагас шигшээд Украины олимп, дэлхийн мөнгө, хүрэл медальтай Ирина Коляденкод 4:6-аар хоёр оноогоор  ялагдсан. Харин хүрэл медалийн төлөөх барилдаанд сайн барилдлаа.