Унгар Улсын Будапешт хотноо бөхийн төрлүүдийн дэлхийн чансааны оноо олгох тэмцээн энэ сарын 6-9-ний өдрүүдэд болж байна. Тус тэмцээнд манай улсаас П.Орхон, Д.Отгонжаргал, Э.Дэлгэрмаа нар барилдах юм. Эмэгтэйчүүдийн 50 кг-ын жингийн хагас шигшээ барилдаанд МУГТ Д.Отгонжаргал, ОХУ-ын хүчтэй өрсөлдөгч Надежда Соколова 12:8-аар ялсан.

      Улмаар дөрөвний нэгийн шигшээ барилдаанд Хятадын  Ю.Жаныг 6:3-аар ялсан. Финалд алтан медалийн төлөө олимпод барилдах Хятадын тамирчин Фэн Зычид 12:2-оор хожигдож мөнгөн медаль хүртлээ. Д.Отгонжаргалын хувьд хөлийн хамгаалалт жаахан тааруу байлаа. Өрсөлдөгчид нь түүнээс жац, биеэр өндөр, хүчтэй тамирчид байв.

        Тус тэмцээний дараа Унгарын олимпын бэлтгэлийн төвд эмэгтэйчүүдийн шигшээ баг олон улсын хамтарсан бэлтгэлд гарна. Энэхүү бэлтгэлд олимпын эрхээ авсан манай таван эмэгтэй тамирчин хамрагдах юм.