Жүдо бөхийн насанд хүрэгчдийн дэлхийн аварга шалгаруулах тэмцээн АНЭУ-ын Абу Даби хотноо таван өдрийн турш хувийн барилдаанаар явагдаж өндөрлөв. Монголын баг тамирчдаас эмэгтэйчүүдийн 48 кг-ын жинд, Ази тивийн аварга, ОУХМ Б. Баасанхүү алт, эрэгтэйчүүдийн 73 кг-д ОУХМ Л. Анхзаяа хүрэл медаль хүртсэн. Манай улс энэ удаагийн ДАШТ-ээс нэг алт, нэг хүрэл, нэг тавдугаар байр, дөрвөн тамирчин долдугаар байрт шалгарсан амжилтаар 107 улсаас багийн дүнгээр долдугаар байрт орлоо.

       Өнөөдөр ДАШТ-ий зургаа дахь өдөр холимог багийн тэмцээнээр ДАШТ үргэлжилэн явагдаж өндөрлөнө. Монголын баг тамирчид “D” хэсэгт сугалаа татсан. Манай баг “D” хэсгийн нэгдүгээр тойрогт Унгарын багтай таарсан байгаа. Унгарын багийг буулган авч чадвал хоёрдугаар тойрогт Гүржийн хүчтэй багтаа барилдана. Хэрэв Гүржийн багийг ялж чадах юм бол зооны аваргын төлөө “С” хэсгийн Франц, Нидерланд, Италийн аль ялсан багтай таарах юм.