Унгар Улсад болж буй сагсан бөмбөгийн 3x3-ын олимпын эрх олгох тэмцээний дөрөвний нэгийн тоглолт боллоо. Монголын эрэгтэй шигшээ баг, Францын багт 20:21-ээр хожигдлоо. Манай багаас А.Ананд Израильтай тоглосон тоглолтод торгууль авч, хоёр тоглолтод тоглох эрхгүй болсон юм. Үүний улмаас манай багаас Францын эсрэг Д.Дэлгэрням, О.Энхбаатар, Э.Дөлгөөн гурав тоглосон. Эцсийн мөч хүртэл тэд Францын багийг тэргүүлэн оноогоор  илүүрхэж явсан боловч 19:20   дээр Францууд хоёр онооны шидэлтийг оновчтой гүйцэтгэн ялалтыг авлаа. Одоо үүрийн 03.00 цагаас  Литви, Польшийн хожигдсон багтай тоглоно.