Арабын Нэгдсэн Эмират Улсын Абу Даби хотод жүдо бөхийн насанд хүрэгчдийн дэлхийн аварга шалгаруулах тэмцээн үргэлжилж байна. Эмэгтэйчүүдийн 48 кг-ын жинд ШШГЕГ-ын "Сүлд" спорт хороо, "Импро" групп, Үндэсний шигшээ багийн тамирчин, Ази тивийн аварга, ОУХМ Б.Баасанхүү Италийн жүдочин SCUTTO-г  вазари үнэлгээгээр ялсанаар алтан медаль хүртлээ. Тэд өмнө нь гурав барилдахад Б.Баасанхүү хоёрт нь ялж байсан юм. Тэрбээр жүдо бөхийн ДАШТ-ээс Монголын баг тамирчдын 28 дахь медаль, дэлхийн аваргын зургаа дахь алтан медаль, эмэгтэй тамирчдын гурав дахь алтан медалийг хүртэж байна.

     ОУХМ Бавуудоржийн Баасанхүү өнөөдөр  АНУ-ын Maria Celia LABORDE, Израилийн Shira RISHONY, Португалийн Catarina COSTA, Казахстаны Abiba ABUZHAKYNOVA нарыг ялж, ДАШТ-ий аваргын алтан медалийн төлөө Италийн Assunta SCUTTO-г унаж шидэх мэхээр ялж, дэлхийн аварга боллоо.