Олон улсын шатрын холбооны мастер Н.Содбилэгт дэлхийн аварга шалгаруулах тэмцээний дэд аварга боллоо.

         Тодруулбал, тус холбооноос Перу Улсын Лима хотод зохион байгуулсан сурагчдын дэлхийн аварга шалгаруулах тэмцээний 15 хүртэлх насны нээлттэй ангилалд 137 өсвөрийн шатарчид оролцсоноос олон улсын шатрын холбооны мастер, "Монполимет" ХХК, "Степп Голд" ХХК-ийн тамирчин Н.Содбилэгт мөнгөн медаль хүртэж, дэд аварга болсон байна. Тэрбээр олон улсын шатрын холбооноос зохион байгуулсан дэлхийн аварга шалгаруулах тэмцээнд хоёр түрүүлж, хоёр дэд байр хүртэж, нийт зургаан удаа шагналт байр эзэлжээ. Тухайлбал, өмнө нь сонирхогчдын шатрын дэлхийн аварга шалгаруулах тэмцээний дэд болон IV байр, Ираны Азийн аваргын хүрэл медальт, Оросын холбооны улсын Сочи хотын 2016 оны дэлхийн аварга зэрэг амжилтын эзэн болж байсан юм.

Н.Содбилэгт таван настайгаасаа шатар тоглож эхэлсэн бөгөөд аав нь анх шатрын спортод хөтөлсөн гэдэг.