Үндэсний спортын арбитраас допингийн маргааны шийдвэрийг өнөөдөр танилцуулахаа мэдэгдсэн ч шинээр гэрч гарч ирж, мэдүүлэг өгөх хүсэлт гаргасан тул хуралдааны шийдвэрийг танилцуулахаа түр азнаж, гэрчээс мэдүүлэг авахаар болсон байна.

            Энэ талаар Арбитрын шүүхээс  “Өчигдөр орой 17:30 цагийн орчимд шинэ нөхцөл байдал үүссэн. Шинээр гэрч гарч ирсэн. Одоо хуралдааны ажиллагаа нээлттэй явж байгаа учраас нэр ил гаргахгүй байхыг хүссэн. Гэрч өчигдөр өөрөө ирж хүсэлтээ өгсөн. Өргөдөл гаргагчийн хүсэлтэд “Миний бие эрүүл мэндийн шалтгааны улмаас 2023 оны зургадугаар сараас есдүгээр сарын хооронд Турк улсаас биеийн эрч хүч сэргээх дестроинины тэнцвэртэй байдлыг хангахын тулд метонолин бодис орсон 50 ширхэг эмийг өдрийн хоёроор  дөрвөн талблетикийг ууж хэрэглэсэн. Энэ эмийг хэрэглэж байх хугацаандаа өргөдөл гаргагч буюу М.Бадарчид  бэлтгэлийн явцад өөрийн хэрэглэж байсан эмийг зүрхний эм панангидтай андуурч өгсөн байж болзошгүй тул өөрийн хүсэлтээр гэрчээр оролцох хүсэлт гаргаж байна” гэв.