Tурк Улсын Станбул хотод чөлөөт бөхийн олимпын эрх олгох сүүлийн тэмцээн эхэллээ. Маргааш эмэгтэй чөлөөт бөхийн барилдаан 15:00 цагаас эхэлнэ. Эмэгтэйчүүдийн 53 кг-ын жинд ОУХМ Батхуягийн Хулан, Шри Ланкын Нетми Порутотагетэй барилдана. Харин эмэгтэйчүүдийн 57 кг-д ОУХМ Болдсайханы Хонгорзул, ОХУ-ын Ольга Хорошавцеватай хүч сорино.  Эмэгтэйчүүдийн 76 кг-д ОУХМ Энх-Амарын Даваанасан, Египетийн Самар Хамза барилдах сугалаа татжээ.

         Эрэгтэйчүүдийн 57 кг-ын жинд ОУХМ Занданбудын Занабазар, Испанийн Леван  Метревелитэй, 65 кг-д МУГТ Төмөр-Очирын Тулга, Бахрейны Алибеговтой, 74 кг-д ОУХМ Олонбаярын Сүлдхүү, Бельгийн Ибхагимтай, 97 кг-д ОУХМ Ганбаатарын Ганхуяг, Өмнөд Солонгосын Сё Жү Хвантай тус тус барилдана.