Допингийн зөрчлийн асуудлаар Бөхчүүдийн төлөөлөл, МОНАДА болон МҮБХ-той нээлттэй уулзалт зохион байгууллаа. Уулзалтын үеэр МҮБХ-ны тэргүүн Ц.Магалжав дараах байр суурийг илэрхийллээ.

Тэрбээр “Хориотой бэлдмэлийн эсрэг сургалт явуулдаг. Тэгэхээр мэдэхгүй зүйлээ хэрэглэж, асуудалд орж байна гэдэг нь өрөөсгөл асуудал. Өнгөрсөн тавдугаар сарын 3-ны өдөр аймгийн арслан Өсөхбаярыг барилдуулсан. Үүнээс болоод асуудал гараад байгаа. Ямар асуудал гэхээр МБҮХ-г Арбитр болон Допингийн үндэсний төвөөс гаргасан шийдвэрийг эргэж хянаж үзэх тухай. МҮБХ-ны удирдах зөвлөл хуралдаж өргөдөл өгсөн. Аймгийн арслан Мөнхбаяр, Өсөхбаяр нарыг дөрвөн жилээр барилдуулахгүй гэх хариуцлага тооцсон байна” гээд 69-дүээр тогтоолыг хүчингүй болгуулсан. Гэтэл Допингийн эсрэг үндэсний төвөөс эрх сэргэх боломжгүй байхад сэргээлээ гэдэг асуудал гарсан. Тэгэхээр бөхчүүд болон ДЭҮТ, МҮБХ, Арбитрын хооронд үл ойлголцох асуудал их байна” гэлээ.