“Сүлд” спорт хороо, “Импро” группын тамирчин, Ази тивийн аварга, ОУХМ Бавуудоржийн Баасанхүү “Душанбе 2024” гранд сламын аварга боллоо. Тэрбээр “Их дуулга”-ын алтан медалийн төлөө Турк Улсын тамирчин Туксе Бедерыг нэмэлт цагт гурван торгуулиар ялснаар анх удаа “Их дуулга” ангилалд түрүүллээ. Хоёр тамирчин өмнө нь Ташкентын “Их дуулга” тэмцээний хүрэл медалийн төлөө хоорондоо таарч манай тамирчин ялагдал хүлээж байсан бол энэ удаад ялснаар хоорондын харьцаа 1:1 боллоо.