Самбо бөхийн сурагчдын дэлхийн аварга, өсвөр үеийн ДАШТ-ий мөнгөн медальт, Наранбаярын Ундрахбаяр 2006 оны энэ өдөр Дархан хотод мэндэлжээ. Тэрбээр МҮОХ-ны "Бөртө чоно 2022" наадмын  “Шилдэг залуу тамирчин”-д нэр дэвшиж байлаа. Жүдо бөхөөр 2023 оны өсвөр үеийн улсын аварга шалгаруулах тэмцээний 48 кг-ын жинд алтан медаль хүртсэн. Харин залуучуудын улсын аваргаас хүрэл медальтай.  2022 онд Ази тивийн аваргаас хүрэл медаль хүртэж байлаа. 2023 онд самбо бөхийн УАШТ-ээс алтан медаль хүртсэн. Самбын залуучуудын УАШТ-ээс хүрэл медальтай. Хүүхдийн их наадмаас алтан медаль хүртсэн. 2022 оны сурагчдын дэлхийн аваргаас алтан медаль, өсвөр үеийн ДАШТ-ээс мөнгөн медаль хүртсэн амжилт гаргаж байсан. Хамгийн сүүлд 2024 оны жүдо бөхийн насанд хүрэгчдийн УАШТ-ээс хүрэл медаль хүртээд байгаа.