Хонконгод болж буй жүдо бөхийн Ази тивийн аварга шалгаруулах тэмцээн хоёр дахь өдрөө үргэлжилж байна. Өнөөдөр эмэгтэйчүүдийн 63 кг-ын жинд 2022 оны Ази тивийн аварга, ОУХМ Болдын Ганхайч алтан медалийн төлөө барилдахаар шалгарч үлдлээ. Тэрбээр 2022 онд Азийн аваргын төлөөх барилдаанд Нами Набекүраг ялж, түрүүлж байсан юм.

      Б.Ганхайч өнөөдөр  “С” хэсгийг толгойлон эхний тойрогт гоц мөргөн ялалт авсан. Хоёрдугаар тойрогт Киргизстан Улсын тамирчинг ялсан. Гуравдугаар  тойрогт Туркменистаны тамирчныг буулган авсан. Одоо үдээш хойш 16:00 цагаас Японы Ямагүчи Кираритай алтан медалийн төлөө барилдах юм. Харин өсвөр үеийн ДАШТ-ий хүрэл медальт, ОУХМ Батсуурийн Ням-Эрдэнэ 70 кг-ын жингийн хүрэл медалийн төлөө барилдана.