Олимп, дэлхийн аваргын медальт, МУГТ, Хөдөлмөрийн баатар Мөнхбат Уранцэцэг урилгаар “Монголын жүдо академи”-ийн тамирчидтай ирж хамтарсан бэлтгэл хийлээ. Дэлхийд нэрээ дуурсгасан алдартай тамирчинтай уулзаж, хамт бэлтгэл хийж, дархан мэхийг нь заалгаж, урмын үгийг нь сонсож, хамт зургаа даруулсан нь тамирчдын хувьд энэ бэлтгэлийн хамгийн онцлох мөчүүдийн нэг  байжээ. Дэвжээн дээр хамт бэлтгэл хийж нүд тайлж туршлага харимтлуулсан бэлтгэл байлаа.  “Монголын Жүдо Академи”-ийн баг тамирчдын бэлтгэлд урилгаар ирж уран мэхээ зааж хамт бэлтгэлд оролцсон МУГТ хөдөлмөрийн баатар М.Уранцэцэгт “Монголын жүдо академи”-ийн зүгээс талархлаа илэрхийлсэн байна.