Бөхийн чөлөөт барилдааны Ази тивийн аварга шалгаруулах тэмцээн Киргизстаны нийслэл Бишкек хотноо үргэлжилж байна. Эрэгтэйчүүдийн 65 кг-ын жинд өрсөлдөж буй Монгол Улсын гавьяат тамирчин Т.Тулга эхний тойрогт Японы Оно Масаносукег цэвэр ялсан. Хоёрдугаар тойргийн барилдаандаа БНАСАУ-ын тамирчинг ялж хагас шигшээд үлдсэн. Зооны аваргын барилдаанд Энэтхэгийн Рохитыг оноогоор ялж аваргын алтан медалийн төлөө барилдахаар шалгарч үлдлээ.

          Алтан медалийн төлөөх барилдаанд Ираны алдарт бөх, дэлхийн аваргын иж бүрэн медальтай Рахман Амузад Халилтай барилдана. Өмнөх жилийн Азийн аваргад  Т.Тулга түүнд ялагдаж мөнгөн медаль хүртэж байсан. Харин Азийн наадамд түүнийг ялж, алтан медаль хүртэж байсан билээ. Ийнхүү Т.Тулга, дэлхийн аварга Ираны бөх Рахман Амузад Халил нар гурав дахь удаагаа таарч барилдахаар боллоо.